انا كنت نويت اكتفى بالكتابة بالفصحى لانى ابتديت انساها وعندى يقين انها الاصلح
لكن لانى مخنوق حبتين وعايز اتفك وارغى قلت معلهش ياواد مشيها عامية المرة دى
عايز اتكلم على المصريين اللى هو احنا اللى مش مكفى المثقفين والصحفيين اللى هما فيه
من فقر وقرف وذل لا وكمان بيطعنوا فى كرامتهم ويقولوا ان المصريين مالهمش فى الثورة وانه شعب خانع وذليل ومهما قفاه اتهرى ضرب ما بيتحركش ويثور لكرامته
وكأن المحترم اللى بيكتب ده مش مصرى ولا انه كده بيهزق نفسه وكمان ولا حاسس ان دى عنصرية ذاتية لانه بيلصق صفات معينة فى شعب معين اللى هو احنا ....ايون الشعب المصرى.
طبعا قبل ما حد يقوللى كلامهم صح واحنا شعب جبان وعمره ما هيغضب لكرامته ويثور ضد الظلم ...سيبونى اقول رايى وبعدين ابقوا حاسبونى
اغلب المتبنيين لفكرة تفرد الشعب المصرى بالخنوع والطيبة والمهاودة بيستدلوا بكلام العلامة جمال حمدان فى موسوعة وصف مصر
جمال حمدان فعلا حمل الشعب المصرى مسئولية استمرار الطغيان....ولكنه نفى تماما فكرة ان هذا جزء متاصل فى طبيعة المصريين بل واورد رايه وهو ان هذا الراى(جبن وخنوع المصريين الوراثى) ولد عن طريق المستبدين والاستعمار من اجل تهبيط عزيمة المصري وتكسير مقاديفه بالبلدى....والراجل ربنا يكرمه اورد ان فيه ثورات مختلفة من اول العصر الفرعونى والرومانى و حتى الاسلامى والمملوكى ده طبعا غير ثورة المصريين ونجاحهم فى فرض تولية محمد على الكبير على السلطان العثمانى واليا على مصر(طبعا هو ادالهم خازوق مغررى بعد كده بس دى مش قصتنا)
وكمان ثورة عرابى اللى كانت قربت توصل لحكم جمهورى(حسب راى حمدان)
لولا استنجاد توفيق بالانجليز والخيانات المتوالية بعد كده وطبعا عندك ثورة 19 وبعدها قبل يوليو 52 كان فيه مؤشرات لقيام ثورة شعبية لولا قيام حركة الجيش
حتى فى عصرنا ده المصرى عمره ما كان جبان رغم بعض السلبيات اللى طالت اخلاق ناس كتير لكن تقريبا تجد اعتصامات ومظاهرات من مختلف فئات الشعب ولاسباب مختلفة واللى لو كان احتجاجهم فى نفس الوقت لاعتبرت ثورة وكانت قادرة على التغيير
يبقى فين المشكلة ؟؟
المصرى بيحتج ويثور وضد الدولة والحكومة والحاكم يعنى مش جبان الفرق بس فى المطالب ان مطالب كل فئة منفردة ومش طلبات عامة
والسبب بالنسبة لى بسيط!!!!
عدم وجود قائد يمتلك ثقة الناس بنزاهته وعقله وايضا بلسانه وبلاغته وتضحياته
هذا ما ينقص مصر الان وبرضه كان الصنف ده ناقص على مر العصور
احنا والله زى الفل كمصريين بلاش نجلد فى نفسنا المشكلة فى القائد
ليه بقى عندنا عجز فى صنف القادة الثورجية ؟؟
دى بقى انشاء الله يبقى موضوع تانى لو عيشنا وما لغوش المدونات فى مصر
لكن لانى مخنوق حبتين وعايز اتفك وارغى قلت معلهش ياواد مشيها عامية المرة دى
عايز اتكلم على المصريين اللى هو احنا اللى مش مكفى المثقفين والصحفيين اللى هما فيه
من فقر وقرف وذل لا وكمان بيطعنوا فى كرامتهم ويقولوا ان المصريين مالهمش فى الثورة وانه شعب خانع وذليل ومهما قفاه اتهرى ضرب ما بيتحركش ويثور لكرامته
وكأن المحترم اللى بيكتب ده مش مصرى ولا انه كده بيهزق نفسه وكمان ولا حاسس ان دى عنصرية ذاتية لانه بيلصق صفات معينة فى شعب معين اللى هو احنا ....ايون الشعب المصرى.
طبعا قبل ما حد يقوللى كلامهم صح واحنا شعب جبان وعمره ما هيغضب لكرامته ويثور ضد الظلم ...سيبونى اقول رايى وبعدين ابقوا حاسبونى
اغلب المتبنيين لفكرة تفرد الشعب المصرى بالخنوع والطيبة والمهاودة بيستدلوا بكلام العلامة جمال حمدان فى موسوعة وصف مصر
جمال حمدان فعلا حمل الشعب المصرى مسئولية استمرار الطغيان....ولكنه نفى تماما فكرة ان هذا جزء متاصل فى طبيعة المصريين بل واورد رايه وهو ان هذا الراى(جبن وخنوع المصريين الوراثى) ولد عن طريق المستبدين والاستعمار من اجل تهبيط عزيمة المصري وتكسير مقاديفه بالبلدى....والراجل ربنا يكرمه اورد ان فيه ثورات مختلفة من اول العصر الفرعونى والرومانى و حتى الاسلامى والمملوكى ده طبعا غير ثورة المصريين ونجاحهم فى فرض تولية محمد على الكبير على السلطان العثمانى واليا على مصر(طبعا هو ادالهم خازوق مغررى بعد كده بس دى مش قصتنا)
وكمان ثورة عرابى اللى كانت قربت توصل لحكم جمهورى(حسب راى حمدان)
لولا استنجاد توفيق بالانجليز والخيانات المتوالية بعد كده وطبعا عندك ثورة 19 وبعدها قبل يوليو 52 كان فيه مؤشرات لقيام ثورة شعبية لولا قيام حركة الجيش
حتى فى عصرنا ده المصرى عمره ما كان جبان رغم بعض السلبيات اللى طالت اخلاق ناس كتير لكن تقريبا تجد اعتصامات ومظاهرات من مختلف فئات الشعب ولاسباب مختلفة واللى لو كان احتجاجهم فى نفس الوقت لاعتبرت ثورة وكانت قادرة على التغيير
يبقى فين المشكلة ؟؟
المصرى بيحتج ويثور وضد الدولة والحكومة والحاكم يعنى مش جبان الفرق بس فى المطالب ان مطالب كل فئة منفردة ومش طلبات عامة
والسبب بالنسبة لى بسيط!!!!
عدم وجود قائد يمتلك ثقة الناس بنزاهته وعقله وايضا بلسانه وبلاغته وتضحياته
هذا ما ينقص مصر الان وبرضه كان الصنف ده ناقص على مر العصور
احنا والله زى الفل كمصريين بلاش نجلد فى نفسنا المشكلة فى القائد
ليه بقى عندنا عجز فى صنف القادة الثورجية ؟؟
دى بقى انشاء الله يبقى موضوع تانى لو عيشنا وما لغوش المدونات فى مصر
ليست هناك تعليقات:
إرسال تعليق